Krisi ekonomikoak lan harremanak zaildu dituen eta beharginen zein langabeen eskubideak deusezten ikusten gabiltzan garaiotan, mezu argia zabaldu gura izan du ELA sindikatuak bere 13. Kongresuan: enpresarik enpresa indarrak batu eta defentsa kolektiboa egitea da bidea. ELAk garbi du langilearen ondoan egon behar duela, patronalaren irudi garbiketa deritzon elkarrizketa sozialetik kanpora, eta sindikatura batzeko deia egin die langileei.
Guk, berba batean batu dugu mezu hori: Lankidetu!. Ohiu-marka eta guzti, bai, eta ertz zorrotzeko bokadilloan sartuta.
Pertsona, antolakuntza eta borroka batzen duen ikonoa da, militantziaren indarra irudikatzen duena eta ELAren mezu guztiak komunikatzeko euskarria eskaintzen duena: Lankidetu! emakumeok. Lankidetu!, osasuntsu eta seguru lan egiteko. Lankidetu!, eskubide duinak borrokatzeko. Lankidetu zure lantokian!. Lankidetu greba egunera! Lankidetu ELArekin!, ELAn kidetu.
Komunikazio estrategia kanpaina bihurtzeko sorkuntza lana ez ezik, kanpainaren garapen osoa landu dugu, eta baita kongresuaren arlo teknikoak antolatu ere: papergintza, arropa, dekorazioa, seinaletika, eszenatokia, ikuskizunak, argiaztapenak, errealizaziorako animazioak eta kanpainaren grafia animatua…
Share your thoughts
No Comments